मुंबई, दि. २३ एप्रिल – हिंदू धर्माची खोड काढण्याची आणि त्यांच्या धर्मभावना दुखावण्याची काही कट्टरपंथी मुस्लिमांची सवय अजूनही जात नाही. या कट्टरपंथियांनी ऐन रामनवमीच्या दिवशी विक्रोळी येथील नुरानी मशिदीजवळील सार्वजनिक स्वच्छतागृहापासून मशिदीपर्यंत आदरणीय श्री यति स्वामी नरसिंहानंद सरस्वती महाराज यांचे फोटो चिकटवल्याची घटना घडली आहे. या प्रकारामुळे हिंदु समाजाच्या भावनाही दुखावल्या गेल्याची तक्रार विक्रोळी पोलीस ठाण्यात करण्यात आली आहे. या घटनेची माहिती मिळताच बजरंग दलाचे संयोजक पंकज लाड आणि सहमंत्री सत्येन्द्र सिंह यांनी विक्रोळी पार्कसाईट पोलीस ठाण्यात तक्रार दाखल केली. या प्रकरणी अज्ञात व्यक्तीविरोधात भादसं २९५ (अ) आणि ५०५(२) अंतर्गत गुन्हा दाखल करण्यात आला आहे.
प्राप्त माहितीनुसार, इस्लाम पुरा भागातील नुरानी मशिदीच्या आजूबाजूस सेवावस्ती आहे. या भागात सर्वधर्माचे लोक राहतात. २० एप्रिल रोजी मध्यरात्री दोन वाजता मशिदीपासून काही अंतरावर असलेल्या सार्वजनिक स्वच्छतागृहापासून ते मशिदीपर्यंत स्वामी नरसिंहानंद सरस्वती महाराज यांचे फोटो चिकटवण्यात आले. या फोटोंवर बुटाचा ठसा व अपशब्द छापण्यात आले होते. तसेच रस्ता स्वच्छ करून त्यावरही हे फोटो चिकटवण्यात आले. विशेष म्हणजे या वेळेस मशिद परिसरातील सीसीटीव्ही कॅमेरे झाकून टाकण्यात आले होते. सकाळी या संतापजनक घटनेची माहिती विश्व हिंदू परिषद आणि बजरंग दलास मिळताच त्यांनी तातडीने पार्कसाईट पोलीस स्थानकात जाऊन तक्रार दाखल केली. पोलिसांनी हे फोटो हटवले व गुन्हा नोंदवून घेतला.
कोरोनामुळे सर्वत्र तणावाचे वातावरण आहे. सर्व धर्माची प्रार्थनास्थळे गेले अनेक दिवस बंद आहेत. त्याचप्रमाणे मुंबईत अनेक ठिकाणी पोलिसांची गस्त ही सुरू असते. असे असतानाही रात्री दोनच्या सुमारास नुरानी मशिदीच्या परिसरात हा प्रकार कसा घडला, असा प्रश्न उपस्थित होते. अशा प्रकारच्या कुरापती या पूर्वीही या मशीदीच्या परिसरात झाल्या आहेत. वरचेवर असे प्रकार घडत असूनही त्यांच्यावर कोणतीही कारवाई का केली गेली नाही? त्यांना कोणाचा वरदहस्त तर नाही ना? असा ही प्रश्न पडतो. राज्यसरकारच्या स्थापनेनंतर येथील कुरापतींमध्ये भर पडल्याचे आढळले असल्याचे सूत्रांकडून समजते.
**